Mingəçevir şəhər sakini 19 yaşlı qızına işgəncə verdiyinə görə həbs edilib. Bu haqda mayın 11-də APA Baş Prokurorluğa istinadən xəbər paylaşıb.
Məlumata görə, 44 yaşlı sakin psixi xəstəlikdən əziyyət çəkən və kənar şəxslərin qulluğuna ehtiyacı olan qızını döyərək evinin həyətyanı sahəsində yerləşən dəmir dirəyə bağlayıb. O, qızını həmçinin evin zirzəmisində saxlayaraq aclığa məruz qoyub və bu yollarla ona əzab verib.
Faktla bağlı “işgəncə verməklə əzab vermə” və “qanunsuz azadlıqdan məhrum etmə” maddələrilə cinayət işi açılıb.
