Moldova Azərbaycandan təbii qaz almağı nəzərdən keçirir. Bu barədə 14 iyun tarixində Moldova Baş nazirinin müavini, infrastruktur və regional inkişaf naziri Andrey Spinuya istinadən APA xəbər verib.
Onun sözlərinə görə, Moldovanın Azərbaycandan qaz almaq şansı var: “Nəhayət, Moldovanın qaz təchizatı mənbələrini diversifikasiya etmək üçün real şansları var və bu, gec-tez baş verəcək. Mən tarix verməyəcəyəm, amma sizə zəmanət verirəm ki, yaxın bir neçə ildə Moldovada şaxələndirilmiş qaz mənbələri olacaq. Hətta bu il baş verə bilər”.
Nazir müavini əlavə edib ki, hazırda bu istiqamətdə danışıqlar aparılır.
