Bakıda Binəqədi Rayon Polis İdarəsinin 5-ci Polis Bölməsinin əməkdaşları tərəfindən həyata keçirilən əməliyyat zamanı narkotik vasitələrin onlayn yolla satışı ilə məşğul olan Sadiq Kərimov və Gülər Abdullayeva saxlanılıblar. Bu haqda iyulun 5-də DİN məlumat yayıb.
Sabiq Kərimovun üzərindən 100 qram heroin və metamfetamin aşkar edilib. Gülər Abdullayevanın isə kirayə yaşadığı evindən 500 qrama yaxın heroin, marixuana və metamfetamin aşkar olunub.
Binəqədi rayonunda son 30 gündə narkotiklərin qanunsuz dövriyyəsi ilə məşğul olan 18 nəfər saxlanılıb.
Binəqədi rayonunda daha 2 nəfərə qarşı kəsici alətdən istifadə etməklə quldurluq edən və zərərçəkənlərin mobil telefonlarını, eləcə də pulunu alan 3 şəxs saxlanılıb. Onlar ifadələrində etdikləri cinayətləri etiraf ediblər.
Saxlanılan şəxslər barəsində məhkəmənin qərarı ilə həbs qətimkan tədbiri seçilib, araşdırmalar davam etdirilir.
