Naxçıvan gömrükçüləri narkotik qaçaqmalçılığı cəhdinin qarşısını alıb. Bu barədə Dövlət Gömrük Komitəsindən məlumat verilib.
Belə ki, Naxçıvan Muxtar Respublikası ərazisindən Bolqarıstana yük aparan İran vətəndaşının idarə etdiyi “Scania” markalı nəqliyyat vasitəsi saxlanılıb. Rentgen qurğusu vasitəsilə baxış keçirilən zaman nəqliyyat vasitəsinin yanacaq çənində şübhəli təsvirlər müəyyən edilib.
Avtomobilin gizli saxlanc yerindən 113 bağlamada 7 kiloqram 800 qram heroin aşkar edilib.
Faktla bağlı “qaçaqmalçılıq” maddəsilə cinayət işi açılıb.
[gallery columns="1" size="full" ids="36899"]
