Naxçıvan şəhərində növbəti əmək yarmarkası keçirilir. Bu barədə Report 12 oktyabr tarixində xəbər verib.
Yarmarka Naxçıvan Muxtar Respublikası Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin təşkilatçılığı ilə baş tutub.
Heydər Əliyev prospekti, 1 ünvanında yerləşən Heydər Əliyev Sarayında keçirilən yarmarkada 100-dən artıq özəl və dövlət müəssisələrindən 1000-ə yaxın vakansiya Naxçıvan Muxtar Respublikasının işsiz və işaxtaran sakinlərinə təqdim edilir.
Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim edilir.
