Naxçıvanda İran vətəndaşı yaşadığı evdə huşsuz vəziyyətdə tapılıb. Bu barədə İnsanoid APA-ya istinadən bu gün, 19 sentyabr tarixində xəbər verir.
Naxçıvan şəhərində Fövqəladə Hallar Nazirliyinin işçiləri vətəndaşın köməyə ehtiyacı olması barədə məlumat alıblar.
Naxçıvan şəhəri üzrə xilasedicilər qrupu avtosəbət vasitəsilə pəncərədən içəri düşərək qapını açıb, İran vətəndaşı, 22 yaşlı Naxçıvan Dövlət Universitetinin Tibb fakültəsinin 3-cü kurs tələbəsi Mehtabi Sana Məmmədsadiq qızını evdə huşsuz vəziyyətdə tapıblar.
O, təcili olaraq Naxçıvan Muxtar Respublika Xəstəxanasının reanimasiya şöbəsinə yerləşdirilib. İlkin araşdırma zamanı onun küllü miqdarda dərman qəbul etdiyi məlum olub.
İran vətəndaşı Mərkəzi Xəstəxanadan Naxçıvan Sağlamlıq Mərkəzinə köçürülüb, vəziyyəti ağırdır.
Faktla bağlı araşdırma davam etdirilir.
