“Bu gün Azərbaycan minimum pensiyanın həm nominal, həm də alıcılıq qabiliyyəti indeksinə görə MDB üzrə birinci yerə yüksəlib”. Bunu mayın 6-da əmək və əhalinin sosial müdafiəsi naziri Sahil Babayevə istinadən Report xəbər verib.
Nazirin verdiyi məlumata əsasən, son dörd il ərzində minimum pensiya 2,2 dəfə artırılaraq 240 manata çatdırılıb.
Orta aylıq pensiya 75% artaraq 363, yaşa görə orta aylıq pensiya 70% artaraq 394 manat olub.
Eyni zamanda, son dörd ildə müavinət və təqaüd ödənişləri müvafiq olaraq üç və beş dəfə çoxalıb.
