Türkiyə, Misir, Səudiyyə Ərəbistanı və Azərbaycan Rusiya taxılının əsas idxalçıları olaraq qalır. Bu barədə 30 may tarixində Rusiyanın kənd təsərrüfatı naziri Dmitri Patruşevə istinadən Report məlumat verib.
Nazirin sözlərinə görə, cari mövsümdə Rusiya 35 milyon ton taxıl ixrac edib. İxracın 28,5 milyon tonu buğda tədarükünün payına düşüb.
Qeyd edək ki, cari ilin ilk 3 ayı ərzində Azərbaycan Rusiyadan 88 min tondan çox buğda idxal edib. Bu da ötən ilin eyni dövrü ilə müqayisədə 2 dəfədən çox azdır.
