"Qaradağ" Günəş Elektrik Stansiyasının inşası və BƏƏ-nin “Masdar” şirkəti ilə icra olunan digər layihələr hesabına 700 nəfər işlə təmin olunacaq. Bu barədə energetika naziri Pərviz Şahbazova istinadən 15 mart tarixində Report məlumat verib.
Nazir qeyd edib ki, sözügedən stansiya 225 milyon dollara başa gələcək və istismara veriləndən sonra burada 25-30 nəfər işlə təmin olunacaq. O, həmçinin əlavə edib ki, stansiyanın hesabına 110 min mənzilə elektrik enerjisi veriləcək.
Pərviz Şahbazov, həmçinin Qarabağın enerji potensialından danışıb: “Kəlbəcər-Laçın zonasında 100 mVT-lıq külək elektrik stansiyasının tikintisi, Qarabağdakı evlərin üzərində günəş panellərinin quraşdırılması, ən azı 200 mVT-lıq günəş elektrik stansiyasının tikintisi imkanları araşdırılıcaq”.
