Niderlandın Amsterdam şəhərində PostNL milli operatoru tərəfindən Şuşa şəhərinə həsr olunmuş poçt markaları çap edilib. Bu haqda mayın 14-də Diasporla İş üzrə Dövlət Komitəsi məlumat yayıb.
Buraxılan markanın üzərində Şuşa qalası ilə “Xarı bülbül” çiçəyinin təsviri və “Qarabağ”, “Şuşa Azərbaycanın mədəniyyət paytaxtıdır” sözləri əks olunub.
Bundan əlavə, Amsterdamda “Nizami Gəncəvi-880”, “Heydər Əliyev”, “Xarı bülbül”, “Rəşid Behbudov”, "Əminə Dilbazi", "Covdət Hacıyev", “Kəlbəcərdə həlak olan jurnalistlər Məhərrəm İbrahimov və Sirac Abışov” adlı markalar çap edilib.
