Bu gün, mayın 30-da Norveçin Stavanger şəhərində şahmat üzrə 10-cu Norway Chess turniri start götürür. Yarışda Azərbaycanı Şəhriyar Məmmədyarov və Teymur Rəcəbov təmsil edəcək.
Bu gün turnirdə blits oyunları keçiriləcək. Sabahdan isə klassik şahmat üzrə yarış başlayacaq. Turnir 9 turdan ibarətdir. Məmmədyarov və Rəcəbovdan əlavə, turnirdə Maqnus Karlsen, Uesli So, Aniş Giri, Vişvanatan Anand, Maksim Vaşye-Laqrav, Veselin Topalov, Vanq Xao və Aryan Tari iştirak edəcək. Yarışda qələbəyə görə 3 xal verilir. Heç-heçə olan təqdirdə oyunçular arasında armageddon keçiriləcək. Qələbə qazanan şahmatçı 1,5, uduzan idmançı isə 1 xal əldə edəcək.
Qeyd edək ki, son turnirin qalibi Maqnus Karlsendir. Yarışın ümumi mükafat fondu 2,5 milyon Norveç kronudur (təxminən 265 min dollar). Qalib idmançı 750 min kron (təxminən 80 min dollar) qazanacaq.
