2021-ci ildə Azərbaycanda ünvanlı dövlət sosial yardımı alanların sayı 47 min ailə və ya 202 min ailə üzvü olub. Bu barədə məlumat 11 may tarixində Əmək və Əhalinin Sosial Müdafiəsi Nazirliyinin hesabatında əks olunub.
Hesabata əsasən, bir ailəyə düşən sosial yardımın orta aylıq məbləği ümumilikdə sosial yardım alan ailələr üzrə 280 manat təşkil edib. Sözügedən göstərici 2020-ci illə müqayisədə 17% çoxdur. Bildirilib ki, 2021-ci il 30 dekabr tarixinə 4,5 milyon manat vəsait istifadə edilməklə ünvanlı dövlət sosial yardımı alan ailələrin hər birinə 100 manat məbləğində birdəfəlik maddi yardım ödənilib.
Qeyd olunub ki, 2022-ci il üçün ehtiyac meyarının həddi 2021-ci ildəki 170 manatdan 17,6% artırılaraq 200 manat məbləğində müəyyən edilib.
