Özbəkistan Prezidenti Şavkat Mirziyoyevin təşəbbüsü ilə Füzulidə hədiyyə kimi inşa olunacaq məktəbin tikintisinə başlanıb və onun növbəti tədris ilinə qədər istifadəyə verilməsi planlaşdırılır. Bu haqda iyunun 21-də Prezident İlham Əliyev öz çıxışı zamanı söyləyib.
“Bu, bizə verilmiş ilk belə böyük hədiyyədir. Bu məktəb praktiki baxımdan həm də bizim qardaşlığımızın rəmzi olacaq, yüzilliklər boyu Azərbaycan xalqının xatirində qalacaq”, - deyə dövlət başçısı bildirib.
Qeyd edək ki, Azərbaycan Prezidenti İlham Əliyev bu gün, iyunun 21-də Özbəkistana dövlət səfərinə gedib. İki ölkə arasında əməkdaşlığa dair bir sıra sənədlər imzalanıb.
