“Bakı Marafonu - 2022” ilə əlaqədar tətbiq ediləcək məhdudiyyətlərə uyğun olaraq mayın 15-də paytaxtda 23 marşrutun hərəkət sxeminə dəyişiklik ediləcək. Bu haqda Bakı Nəqliyyat Agentliyi məlumat yayıb.
Dəyişikliklər aşağıdakı kimi olacaq:
- 1, 2, 4, H1 nömrəli müntəzəm marşrutların hərəkət sxemləri Y.Səfərov küçəsi istiqamətində dəyişdirilərək Puşkin - Nizami – Y.Səfərov küçələri ilə təşkil ediləcək;
- 5 və 88 nömrəli müntəzəm marşrutların son dayanacaq məntəqəsi “28 May” metro stansiyası olmaqla təşkil ediləcək;
- 6 nömrəli marşrutun fəaliyyəti 2 istiqamət üzrə, yəni 20-ci Sahə y/m – "İçərişəhər" metro stansiyası və Axundov bağı – “Azadlıq prospekti” metro stansiyası istiqamətində təşkil ediləcək;
- 10 nömrəli müntəzəm marşrutun son dayanacaq məntəqəsi Xocalı prospekti olmaqla, fəaliyyəti M.Müşfiq – A.Şaiq – Ş.Bədəlbəyli – D.Əliyeva – Puşkin – Nizami – Y.Səfərov küçələri, daha sonra öz hərəkət sxemi üzrə təşkil ediləcək;
- 18 nömrəli müntəzəm marşrutun son dayanacaq məntəqəsi Ə.Cavad küçəsi olmaqla, fəaliyyəti Ş.Şamil – İstiqlaliyyət – Azərbaycan prospekti - Ə.Cavad – B.Sərdarov küçələri, daha sonra öz hərəkət sxemi üzrə təşkil ediləcək;
- 21, 32, 46, 175 nömrəli müntəzəm marşrutların son dayanacaq məntəqəsi 8 Noyabr prospekti-də (Bakı Fransız Liseyi) olmaqla təşkil ediləcək;
- 30 və 49 nömrəli müntəzəm marşrutların fəaliyyəti D.Əliyeva – Nizami - Y.Səfərov küçələri ilə təşkil ediləcək;
- 53 nömrəli müntəzəm marşrutun son dayanacaq məntəqəsi B.Sərdarov küçəsi olmaqla təşkil ediləcək;
- 61 nömrəli müntəzəm marşrutun fəaliyyəti S.Vurğun – Ş.Bədəlbəyli – R.Behbudov – S.Əsgərova küçələri ilə təşkil ediləcək;
- 65 nömrəli müntəzəm marşrutun fəaliyyəti Lermontov küçəsi – Ş.Şamil küçəsi – İstiqlaliyyət küçəsi – Azərbaycan prospekti ilə təşkil ediləcək;
- 125, 127 və 205 nömrəli müntəzəm marşrutların fəaliyyəti Bakı Dairəvi Avtomobil yolu ilə təşkil ediləcək;
- 120 və 149 nömrəli müntəzəm marşrutların fəaliyyəti Yeni Salyan yolu – Bibiheybət yolu – 20-ci Sahə dairəsi, daha sonra öz hərəkət sxemi üzrə təşkil ediləcək.
