Koronavirus pandemiyasının yayılmasının qarşısını almaq üçün polis Abşeronda qapalı məkanlarda və ictimai nəqliyyatda reydlər keçirib. Bu barədə dekabrın 11-də Daxili İşlər Nazirliyindən məlumat verilib.
Tibbi maskadan istifadə etməyən 27 şəxs barəsində protokol tərtib edilib. Qanunu pozan şəxslər avtobuslardan düşürülüb və onlar barəsində inzibati tənbeh tədbirləri görülüb.
Mağazalara maskasız daxil olan alıcılar, həmçinin maskalardan düzgün istifadə etməyən şəxslər cərimələniblər.
Reyd zamanı aktiv koronavirus xəstəsi kimi qeydiyyatda olan sərnişin avtobusu idarə edən sürücü də aşkar edilib.
