İyunun 23-də Azərbaycan Prezidenti İlham Əliyev iyunun 23-də Rusiyanın xarici işlər naziri Sergey Lavrovu qəbul edib. Bu barədə Prezidentin Mətbuat Xidməti məlumat yayıb.
Görüş çərçivəsində müzakirə olunan mövzular aşağıdakılar olub:
- Cari ilin əvvəlində Moskvada imzalanan Müttəfiqlik Qarşılıqlı Fəaliyyəti haqqında Bəyannamə Azərbaycan və Rusiya arasında əlaqələrə, münasibətlərin yeni mərhələsinə müsbət ahəng və dinamika verib;
- Azərbaycan bölgədə uzunmüddətli sülhün bərqərar olmasının tərəfdarıdır. İlham Əliyev bildirib ki, bu səylər Ermənistan tərəfindən müsbət qəbul ediləcək və çoxillik qarşıdurmaya son qoyulacaq;
- Rəsmi Bakının sülh müqaviləsi üzərində işə başlamaq barədə təklifləri indiyədək cavabsız qalıb;
- Azərbaycan və Ermənistan arasında kommunikasiyaların açılması üzrə üçtərəfli işçi qrupunun fəaliyyətində müəyyən irəliləyiş var;
- Rusiya 2020-ci ilin noyabrında, 2021-ci ilin yanvarında və noyabrında imzalanmış üç sənədin reallaşmasına hər vasitə ilə kömək etməyə hazırdır.
