Azərbaycan güləşçisi Elnurə Məmmədova İtaliyanın paytaxtı Romada keçirilən U-20 Avropa çempionatında qızıl medal qazanıb. Bu haqda iyunun 30-da Gənclər və İdman Nazirliyi xəbər verib.
55 kiloqram çəki dərəcəsində yarışan idmançımız finalda rəqibi olan Türkiyə təmsilçisi Tuba Demirə 10:1 hesabı ilə qalib gəlib.
Həmçinin ölkəmizin digər təmsilçisi, 50 kiloqramda yarışan Əsmər Canqurtaran bürünc medala sahib olub. O, bürünc medal uğrunda görüşdə isveçrəli Svenya Yunqonu 16:11 hesabı ilə yenib.
[gallery link="file" columns="1" size="large" ids="57093"]
