Xəzər rayonunda Qala-Şüvəlan qəsəbələrarası avtomobil yolunun yenidən qurulması işləri icra olunur. Bu haqda mayın 23-də AAYDA məlumat paylaşıb.
Artıq yolun 1 200 metrlik hissəsində işlər yekunlaşmaq üzrədir.
Qala-Şüvəlan avtomobil yolunun uzunluğu 5,2 kilometr, hərəkət hissəsinin eni isə ortalama 9 metr təşkil edir.
Xəzər rayonunun Mərdəkan, Binə, Buzovna, Qala və Zirə qəsəbələrində ümumi uzunluğu 26,5 kilometr olan küçə və yolun təmir işlərinə start verilib.
Ötən il isə Binə, Buzovna və Qala qəsəbələrində uzunluğu 16,3 kilometr olan küçə və yolların təmiri aparılıb.
