Oktyabrın 22-də Azərbaycan-İran sərhədini pozan iki qadın saxlanılıb. Bu barədə oktyabrın 24-də DSX-nin Mətbuat Mərkəzindən məlumat verilib.
Biləsuvar rayonunun Səmədabad kəndi yaxınlığında yerləşən sərhəd zastavasının xidməti ərazisində, dövlət sərhədini pozaraq qanunsuz yolla Azərbaycandan İrana keçməyə cəhd göstərən Azərbaycan vətəndaşları - 1994-cü il təvəllüdlü Vəliyeva Məryəm Təbriz qızı və 1981-ci il təvəllüdlü Qasımova Aytən Rafiq qızı saxlanılıblar.
Məlum olub ki, onlar Türkiyədən deportasiya edilərək ölkəyə girişlərinə qadağa qoyulub. Buna görə onlar dövlət sərhədini pozaraq qanunsuz yolla İrana, oradan isə Türkiyəyə keçmək istəyiblər.
