“Qarabağ” UEFA Konfrans Liqasında 6 391 500 avro (12 274 875, 75 manat) qazanıb. Bu barədə dekabrın 10-da Apa məlumat yayıb.
Ağdamlılar bu vəsaiti 4 yolla qazanıb. İştirak haqqı olaraq klubun qazancı 3,3 milyon avro təşkil edib. Oyunların nəticələrindən əldə edilən vəsait 1,8 milyon avroya bərabərdir.
Qrupda ikinci yer tutduqlarına görə, Qurban Qurbanovun yetirmələri 325 min avro alacaq. Son 10 ilin reytinqinə görə Konfrans Liqasında 12-ci olmaq da klubun büdcəsinə təsir edəcək. Bu mövqeyə görə “Qarabağ”ın qazancı 934 min 500 avro olacaq.
Dünən, dekabrın 9-da UEFA Konfrans Liqasının qrup mərhələsinin son turunun oyunları keçirilib. “Qarabağ” səfərdə İsveçrənin “Bazel”inə 0:3 hesabı ilə məğlub olub.
