Azərbaycan "Qarabağ" brendi ilə balı Avropaya ixrac edəcək. Bu barədə 11 may tarixində Report Azərbaycan Arıçılar Assosiasiyasının nümayəndəsinin sözlərinə istinadən məlumat verib.
Onun sözlərinə görə, Qarabağ adını brendləşdirərək bu ad altında ölkənin bazarlarında artıq bal satışına başlanılıb: “Həmin şirkət artıq “ABAD” publik hüquqi şəxslə işləməyə başlayıb".
Nümayəndə bildirib ki, Avropa İttifaqı ölkələrinə arıçılıq məhsullarının ixracı üçün xüsusi icazələrin alınması tələb olunur: “Qida Təhlükəsizliyi Agentliyi bu istiqamətdə çalışır”.
O bildirib ki, ötən il ölkədə 7 min ton bal süzülüb. Kəlbəcər, Laçın rayonlarına təxminən 20 mindən çox arı ailələrinin köçürülməsi nəzərdə tutulur.
