Zəngilan rayonunda yeni mobil sahə düşərgəsi salınıb. Bu haqda iyunun 28-də ANAMA məlumat yayıb.
Bildirilib ki, Qarabağ və Şərqi Zəngəzurda minaaxtaranlara xidmət edəcək düşərgə bütün lazımi şəraitlə təchiz edilib. Düşərgə yataqxana, hamam, sanitar qovşağı, yeməkxana, çamaşırxana, anbar, ofis və tibb məntəqəsi üçün nəzərdə tutulmuş konteynerlərdən ibarətdir.
Eyni zamanda burada şəxsi heyətin asudə vaxtlarının keçirilməsi üçün futbol - voleybol meydançası və idman trenajorları var.
Qeyd edək ki, konteynerlər əməliyyatların aparılması istiqamətindən asılı olaraq, başqa əraziyə daşınma üstünlüyünə malikdir.
[URIS id=56362]
