1995-2021-ci illər arasında Qazaxıstan Azərbaycanın qeyri-neft sektoruna 100 milyon dollar investisiya yatırıb. Bu barədə 7 iyun tarixində Kiçik və Orta Biznesin İnkişafı Agentliyinin idarə heyətinin sədri Orxan Məmmədova istinadən APA məlumat verib.
Sədrin sözlərinə görə, Azərbaycan əlverişli biznes və investisiya mühiti ilə tanınır. O qeyd edib ki, 15 mindən çox xarici şirkət Azərbaycanda qeydiyyatdan keçib. Onlardan 159-u Qazaxıstan kapitallı şirkətlərdir. Sədr əlavə edib ki, hesabat dövründə Azərbaycan Qazaxıstanın qeyri-neft sektoruna 200 min dollardan çox yatırım edib.
