2022-ci ilin may ayı ərzində Azərbaycanın ixracı 3,6 milyard manat təşkil edib. Bu barədə 7 iyun tarixində İqtisadi İslahatların Təhlili və Kommunikasiya Mərkəzinin ixrac icmalında əks olunub.
Məlumata əsasən, cari ilin yanvar-may ayları ərzində Azərbaycanın ixracı 15,4 milyard dollar, qeyri-neft sektoru üzrə 1,2 milyard dollar təşkil edib. Qeyri-neft sektoru üzrə ixrac 2021-ci illə müqayisədə 30,9% artıb.
Bildirilib ki, müvafiq dövr ərzində kimya sənayesi məhsullarının ixracı 8 dəfə, alüminium və ondan hazırlanan məmulatların ixracı 2 dəfə, qara metallar və onlardan hazırlanan məmulatların ixracı isə 50%-dək artıb.
