Bakının Yasamal rayonunda zəncirvari qəza baş verib. Bu barədə İnsanoid BakuPlus.az-a istinadən bu gün, 21 iyun tarixində xəbər verir.
Hadisə ötən gün axşam saatlarında rayonun Əhməd Cəmil və Həsən Məcidov küçələrinin kəsişməsində qeydə alınıb.
“Range Rover” markalı avtomobil işıqforun qırmızı işığında hərəkəti davam etdirərək 7 yaşlı qızı və anasını vurub. Piyadalar zərbənin təsirindən eyni istiqamətdə hərəkətdə olan “Chevrolet”ə çarpılıblar. “Chevrolet” isə öz növbəsində “Toyota Prius”u vurub. Bu zaman “Toyota” idarəetməni itirərək daha bir avtomobili əzib.
Hadisə yerinə təcili tibbi yardım və polis əməkdaşları cəlb olunublar. Yaralılar xəstəxanaya aparılıblar.
