Abşeron rayonunda qətl törətməkdə təqsirləndirilən şəxsin cinayət işi üzrə ibtidai istintaq yekunlaşıb. Bu barədə 30 may tarixində Report məlumat verib.
Məlumata əsasən, 2021-ci ilin iyul ayında Abşeron rayonunun Qobu qəsəbəsində yaşayan şəxsin yaşadığı evdə yanmış meyiti aşkar olunmuşdur. Mərhum şəxsin yanmış meyitinin müayinəsi zamanı onun sinə və kürək nahiyələrində kəsici-deşici xəsarətlər olması aşkar edildiyindən onun hadisədən əvvəl qətlə yetirildiyi müəyyən olunub.
İlkin araşdırmalar zamanı qətl hadisəsinin şəxsi münasibətlər zəminində yaranan münaqişə zamanı törədildiyi məlum olub.
