Quba Rayon Mərkəzi Xəstəxanası ana və uşaq ölümü ilə bağlı açıqlama verib. Bu barədə APA məlumat verib.
Məlum olub ki, bu gün saat 01:30-da təcili tibbi yardım avtomobili ilə 1981-ci il təvəllüdlü 34-35 həftəlik hamilə olan qadın Q.P. Quba Regional Perinatal Mərkəzinə yerləşdirilib. Pasiyent tibb müəssisəsinə daxil olarkən kritik ağır aqonal vəziyyətdə olub.
İlkin müdaxilə zamanı pasiyentdə hemorragik şok, uşaqlığın çapığının cırılması və onun bətnində ölü döl olduğu məlum olub.
Onun həyatını xilas etmək mümkün olmayıb.
Faktla bağlı araşdırma aparılır.
