Quba rayonunda piyadanın ölümünə səbəb olmaqda təqsirləndirilən Mahir Yadigarova hökm oxunub və ona bəraət verilib. Report-un məlumatına görə, bu barədə hökm Quba Rayon Məhkəməsində elan olunub.
Hadisə 2020-ci il iyulun 7-də Quba-Xaçmaz yolunun rayonun Alekseyevka kəndi ərazisindən keçən hissəsində qeydə alınıb. Rayon sakini, 1985-ci il təvəllüdlü M. Yadigarov “KİA” markalı avtomobillə yolu keçmək istəyən 1956-cı il təvəllüdlü piyadanı vuraraq öldürüb.
Yadigarovun barəsində “yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda” maddəsilə ittiham irəli sürülüb.
