Qarabağ və Şərqi Zəngəzur iqtisadi rayonları ərazisində tikilən Qubadlı-Eyvazlı avtomobil yolunun inşası davam edir. IV texniki dərəcəli avtomobil yolunun uzunluğu 28.5 kilometrdir.
Yolun 8 kilometrlik hissəsində torpaq yatağının genişləndirilməsi işləri artıq başa çatıb.
Yeni inşa edilən yolun 2.5-ci kilometrində 122.4 metr uzunluğa malik 4 aşırımlı, yolun 21-ci kilometrində isə 66 metr uzunluğunda 2 aşırımlı avtomobil körpüsünün də inşası nəzərdə tutulur.
Qubadlı-Eyvazlı avtomobil yolu Qubadlı şəhəri daxil olmaqla, Mahmudlu, Xıdırlı, Məlikəhmədli, Qudanlı, Davudlu, Eyvazlı kəndlərinin ərazisindən keçir.
