Rusiyalı teleaparıcı Vladimir Solovyov canlı yayımda Azərbaycandan üzr istəyib. Bunu o, iyunun 29-da “Vladimir Solovyovla axşam” siyasi tok-şousunda deyib.
“Digər ölkələrin suverenliyinə hörmət Rusiyanın xarici siyasətinin prioritetlərindəndir. Mən bununla tam razıyam. Mən öz adımdan Azərbaycandan üzr istəyirəm. Bu, mənim şəxsi siyasi səhvim idi”, - deyə təbliğatçı bildirib.
Qeyd edək ki, hadisə iyunun 28-də dövlət radiosu olan “Vesti FM”də gedən “Polnıy kontakt” verilişində baş verib. Jurnalist David Babayanı “Artsaxın xarici işlər naziri” kimi qonaq qismində təqdim edərək Azərbaycanın ərazi bütövlüyünə hörmətsizlik edib.
[playlist type="video" tracklist="false" ids="56872"]
