Fransanın Moskvadakı səfirliyi qarşısında 19 oktyabr tarixində azərbaycan diasporunun nümayəndələrinin iştirakı ilə keçirilən aksiyada saxlanılan qadınların məhkəməsi sabah baş tutacaq. Bu barədə 24 oktyabr tarixində AZfront Telegram səhifəsi xəbər verib.
Onlar sabah səhər saatlarında Yakimanka rayon polis şöbəsinə gəlməlidirlər. Daha sonra onlar Zamoskvoretski məhkəməsinə çatdırılacaqlar. Saxlanılan şəsxlər razılaşdırılmamış aksiyasının keçirilməsində ittiham olunurlar.
Qeyd edək ki, oktyabrın 19-da Moskvada Fransa səfirliyinin binasının yaxınlığında azərbaycanlı qadınlar Senatın anti-Azərbaycan qətnamə layihəsinə etiraz olaraq aksiya keçiriblər. Nəticədə dörd qadın saxlanılmışdır.
Həmçinin 15 oktyabr tarixində Fransanın Azərbaycandakı səfirliyinin qarşısında piket keçirilmişdir.
İştirakçılar 2020-ci ildə Ermənistanın raket hücumları nəticəsində həlak olan 12 azərbaycanlı uşağı simvolizə edən paltarları qırmızı boya ilə rənglənmiş kuklaları əllərində tutublar. Qadınların əllərində həlak olanların adları yazılmış portretlər, həmçinin Senata və Fransa xalqına müraciətin emblemləri olan bannerlər olub.
Sözügedən müraciət Fransanın Mesopinions.com petisiya saytında yerləşdirilib. İki həftədən az bir müddətdə bu petisiya 34 000 səs və 3 509 şərh yığıb.
Petisiya Azərbaycan xalqı adından Fransa Senatına və xalqına müraciətdir. Müəlliflər ölkənin müxtəlif şəhər və rayonlarından olan 10 sıravi vətəndaşdır. Bu təşəbbüs qrupunun rəhbəri 2020-ci ilin payızında Ermənistan Silahlı Qüvvələri tərəfindən kütləvi raket hücumlarına məruz qalmış Gəncə şəhər sakini, 52 yaşlı ictimai fəal Kubra Ələkbərovadır.
Petisiyanın Azərbaycan dilində imzalanma qaydası
Petisiyanın rus dilində imzalanma qaydası
Petisiyanın türk dilində imzalanma qaydası
Bu postun linkini qohumlarınız, dostlarınız və tanışlarınız arasında yayın. Birlikdə biz – qüvvəyik!
Petisiyanın daha çox yayılması üçün bu heşteqlərdən istifadə edək:
#BizAzərbaycanıq #AzərbaycanıQoruyaq
View this post on Instagram
