Sabirabad rayonunda “Sabirabad Pilot Aqropark” yaradılır. Bu barədə 22 iyun tarixində İqtisadiyyat Nazirliyinin İqtisadi Zonaların İnkişafı Agentliyinə istinadən Azərtac məlumat verib.
Sabirabadda 7 544 hektar sahədə yaradılan aqroparkda 8 istiqamətdə təsərrüfat yaradılır. Burada intensiv nar bağının salınması, taxıl, qarğıdalı və yonca toxumçuluğunun təşkili, taxılçılığın, həmçinin süd və pambığın ilkin emalı, qüvvəli yem istehsalı və heyvandarlıq sahələrinin yaradılması planlaşdırılır. Nəticədə 730 yeni iş yerinin yaradılması nəzərdə tutulub.
Qeyd edək ki, hazırda ölkədə 32 rayon üzrə 239,3 min hektar ərazidə 51 aqropark yaradılır. Onlardan artıq 44-ü fəaliyyətə başlayıb. Həmin aqroparklarda artıq 4 491 nəfər daimi, 6 303 nəfər isə mövsümi işlə təmin edilib. Əlavə 5 mindən çox iş yerinin yaradılması nəzərdə tutulub.
