Sabirabadda ata və yeniyetmə oğlu güllələnib. Bu barədə 22 iyun tarixində APA məlumat verib.
Məlumata əsasən, hadisə rayonun Qarağac kəndində baş verib. Belə ki, 1981-ci il təvəllüdlü Minbaşı kənd sakini və onun 2005-ci il təvəllüdlü oğlu ayaqlarından ov tüfəngi ilə güllələnib.
Xəsarət alanlar bildirib ki, 18 yaşlı qonşuları əlindəki qoşalülə tüfəngi yerə atıb və bu zaman tüfəngdən avtomatik açılan atəş ata və oğulu ayaqlarından yaralayıb.
Hər iki yaralı ayaq sümüyünün zədələnməsi diaqnozu ilə xəstəxanaya yerləşdirilib.
Faktla bağlı araşdırma aparılır.
