“Azərbaycan İnvestisiya Şirkəti” ASC (AİŞ) Ağdam rayonunda yerləşən Şahbulaq əhəngdaşı yatağının istismar edilərək mişar daşı istehsalı layihəsinə potensial investor seçiminə dair müsabiqə elan edib. Bu barədə 8 dekabr tarixində İqtisadiyyat Nazirliyinin rəsmi səhifəsində məlumat verilib.
Müsabiqədə lazımi maliyyə və texniki imkanlara malik olan sahibkarlar iştirak edə bilər. Yaradılan hüquqi şəxsin səhm kapitalında AİŞ-in payı maksimum 30%-dir. Layihə başlandıqdan 5-7 il ərzində AİŞ-in payı əsas səhmdarlar tərəfindən satın alınmalıdır.
Seçimdə iştirak etmək üçün lazım olan sənədlər barədə ətraflı məlumat almaq üçün linkə keçid edərək məlumat almaq olar.
Sənədlər 20 dekabr saat 17:00-dək AİŞ-in ünvanına təqdim olunmalıdır.
