Şəhidlərin xatirəsi anılarkən ayağa durmayan direktora töhmət verilib. Bu barədə oktyabrın 20-də Bakı Şəhəri üzrə Təhsil İdarəsindən APA-ya bildirilib.
Hadisə paytaxtın 161 nömrəli tam orta məktəbində qeydə alınıb.
Belə ki, vəzifə funksiyalarını keyfiyyətsiz yerinə yetirdiklərinə görə məktəbin direktoru Ruhiyyə Tağıyevaya, təlim-tərbiyə işləri üzrə direktor müavini Əsmər Əliyevaya, uşaqlarla məktəbdənkənar və sinifdənxaric tərbiyə işləri üzrə təşkilatçı Ülviyyə Şükürovaya Azərbaycan Respublikasının Əmək Məcəlləsinin 186-cı maddəsinin 2-ci hissəsinin A bəndinə əsasən, intizam tənbehi kimi töhmət verilib.
