Şəki şəhərində zəncirvari yol qəzası baş verib. Bu barədə 18 oktyabr tarixində Report məlumat verib.
Hadisə şəhərin 20 Yanvar küçəsində qeydə alınıb.
Belə ki, hərəkətdə olan 10-OU-155 dövlət qeydiyyat nişanlı "Mercedes" markalı avtomobillə Şəki sakini Akif Əsədullayevin idarə etdiyi "Nissan" markalı avtomobil toqquşub. Daha sonra "Mercedes" idarəetmədən çıxaraq yol kənarında dayanan daha 5 avtomobilə çarpılıb. Nəticədə avtomobillərə ciddi ziyan dəyib, "Nissan" markalı avtomobilin sürücüsü Akif Əsədullayev və daha bir sürücü bədən xəsarətləri alaraq Şəki Rayon Mərkəzi Xəstəxanasına yerləşdiriliblər.
Qəza zamanı xəsarət alan A. Əsədullayev uzun müddət Şəki Psixiatriya Xəstəxanasının baş həkimi işləyib.
Faktla bağlı araşdırma aparılır.
[gallery columns="2" link="file" size="full" ids="89437,89438"]
