Şamaxı şəhərinin 3 saylı uşaq bağçasında bağçanın aşpazı Balkiyeva Sevinc Balağa qızı 2017-ci il təvəllüdlü qızın saçından tutaraq dartıb. Bu da bağçada azyaşlıya qarşı zorakılıq kimi qiymətləndirilib. Bu barədə 8 iyun tarixində APA məlumat yayıb.
Məlumata əsasən, hadisə iyunun 2-də baş verib. Məsələ ilə bağlı Təhsil Nazirliyinin nümayəndələri tərəfindən bağçada araşdırma aparılır. Dağlıq Şirvan Regional Təhsil İdarəsinin məsul şəxsi Anar Osmanov məlumat verib ki, bağça rəhbərliyi tərəfindən aşpaz Sevinc Balkiyeva barəsində intizam tənbeh tədbiri görülüb.
Anar Osmanov qeyd edib ki, araşdırma başa çatdıqdan sonra məsələ ilə bağlı ətraflı məlumat veriləcək.
