Şəmkir, Qusar və Salyan rayonlarında regional vahid əlaqələndirmə mərkəzləri fəaliyyətə başlayıb. Bu barədə 11 may tarixində Əmək və Əhalinin Sosial Müdafiəsi Nazirliyi məlumat verib.
Mərkəzlərin yaradılmasında məqsəd şəhid ailələri, müharibə ilə əlaqədar xəsarət almış hərbi qulluqçular və əlilliyi müəyyən edilmiş şəxslərin müraciətlərinin qəbulunu təmin etməkdir.
Məlumata əsasən, Şəmkir rayonundakı vahid əlaqələndirmə mərkəzində Ağstafa, Qazax, Tovuz, Şəmkir və Gədəbəy rayonları üzrə, Qusar rayonundakı vahid əlaqələndirmə mərkəzində Xaçmaz, Quba, Qusar, Şabran, Siyəzən rayonları üzrə, Salyan rayonundakı vahid əlaqələndirmə mərkəzində Şirvan şəhəri, Biləsuvar, Hacıqabul, Salyan, Neftçala rayonları üzrə vətəndaşların müraciətləri qəbul olunur.
Qeyd olunub ki, 2021-ci ilin avqust ayından artıq 50-yə yaxın şəhər və rayon üzrə vahid əlaqələndirmə mərkəzləri açılıb.
