Cari ilin birinci rübündə sənaye zonalarında 681 milyon manatlıq məhsul istehsal edilib. Bu da ötən ilin eyni dövrü ilə müqayisədə 82,6% çoxdur. Bu barədə 12 may tarixində Sumqayıt Kimya Sənaye Parkının rəsmi səhifəsində məlumat verilib.
Məlumata əsasən, hesabat dövründə məhsulların ixracı 2,7 dəfə artaraq 318 milyon manat təşkil edib. Sənaye zonalarının ölkə sənayesinin qeyri-neft sektorunda məhsul istehsalı üzrə xüsusi çəkisi 14,8%, ixracında isə 36,3% təşkil edib. Həmin zonalarda istehsal edilən məhsullar dünyanın 40-dan çox ölkəsinə ixrac edilib.
Qeyd edək ki, sənaye parklarının rezidentləri 10 il müddətinə əmlak vergisindən, torpaq vergisindən, gəlir və ya mənfəət vergisindən, istehsal məqsədilə idxal etdikləri texnikanın, texnoloji avadanlıqların və qurğuların idxalı zamanı ƏDV-dən və 7 il müddətinə gömrük rüsumlarından azad olunurlar.
