Saray-Novxanı yolunda yeni geriyə dönmə yolu yaradılır. Bu barədə 17 oktyabr tarixində Azərbaycan Avtomobil Yolları Dövlət Agentliyi məlumat verib.
Belə ki, Bakı–Quba–Rusiya ilə dövlət sərhədi avtomobil yolunun 16-cı kilometrində, "VAZ dairəsi" kimi adlanan ərazidə yerləşən yol qovşağında hərəkətin təşkili ilə bağlı hazırlanmış layihənin davamı olaraq Saray-Novxanı yolunda daha yaxın məsafədə yeni geriyə dönmə yolu yaradılır.
Məqsəd sıxlıq və tıxacın aradan qaldırılmasıdır.
Qeyd olunub ki, yeni geriyə dönmə yolu yaxın günlərdə istifadəyə veriləcək.
