Azərbaycanda səfərdə olan Slovakiyanın və Paraqvayın parlament nümayəndə heyətləri iyunun 11-də işğaldan azad olunmuş ərazilərimizi ziyarət ediblər. Bu barədə Report məlumat paylaşıb.
Slovakiya Milli Şurasının sədri Boris Kollar və parlamentin digər nümayəndələri Azərbaycanın mədəniyyət paytaxtı Şuşaya səfər ediblər.
Həmçinin Paraqvay parlamentinin sədri Valter Enrike Harms və Senatın Paraqvay-Azərbaycan Dostluq Qrupunun sədri Lukas Akino Xaran işğaldan azad edilmiş Füzulidən sonra Şuşada olublar.
Onlar Füzuli aeroportu, Cıdır Düzü, Bülbülün ev muzeyi və Şuşanın Qala divarları ilə tanış olublar.
