Cari ilin ilk 4 ayı ərzində SOCAR 2,01 milyard kubmetr LNG (mayeləşdirilmiş təbii qaz) satışı həyata keçirib. Bu da ötən ilin eyni dövrü ilə müqayisədə 33% çoxdur. Bu barədə 17 may tarixində şirkətin Facebook səhifəsində məlumat verilib.
Məlumata əsasən, hesabat dövründə SOCAR tərəfindən 3-cü tərəflərdən alınıb satılan neft və neft məhsullarının həcmi 14,65 milyon ton təşkil edib. Bunun 13,3 milyon tonu neft, 1,3 milyon tonu isə neft məhsulları olub.
Qeyd edək ki, SOCAR hazırda 40 ölkənin 100-dən çox məntəqəsində neft və neft məhsullarının satışını həyata keçirir.
