Alıcılara qarşı əlverişsiz müqavilə şərtlərinin tətbiq edildiyi müəyyən edilərək və antiinhisar qanunvericiliyinin pozulması əlamətləri üzrə “SOCAR Petroleum” QSC-yə qarşı iş qaldırılıb. Bu barədə 12 may tarixində Antiinhisar və İstehlak Bazarına Nəzarət Dövlət Xidmətinin rəsmi səhifəsində məlumat verilib.
Məlumata əsasən, iş bir müddət öncə sahibkarlar tərəfindən QSC-dən alınan neft məhsullarının alıcının ünvanına çatdırılmaması ilə bağlı Dövlət Xidmətinə daxil olan müraciət əsasında aparılan araşdırma əsasında qaldırılıb.
Bununla yanaşı, Azərbaycan Respublikası qanunlarının tələblərinə uyğun olmayan fəaliyyəti nəticəsində QSC-nin əldə etdiyi 27,4 milyon manat gəlirin dövlət büdcəsinə ödənilməsi barədə qərar qəbul edilib.
