Şuşa, Ağdam və Füzuli şəhərlərinə təşkil olunan avtobus reyslərinə iyul ayına olan biletlər 27 iyunda saat 15:00-da satışa çıxarılacaq. Bu haqda Dövlət Avtomobil Nəqliyyatı Xidməti məlumat yayıb.
Satış yalnız “Yolumuz Qarabağa” portalı üzərindən onlayn qaydada həyata keçirilir. Sərnişinlər gediş və qayıdış biletlərini əvvəlcədən eyni vaxtda sifariş etməlidirlər.
Tələbat və vətəndaşların istəkləri nəzərə alınaraq avtobusların hərəkət cədvəllərində müəyyən dəyişikliklər edilib. Belə ki, Bakı – Şuşa – Bakı istiqamətində əlavə reys açılıb və sərnişinlər həftənin bütün günləri həmin ərazilərə səfər edə biləcəklər.
