Şuşada 73 ildən sonra ilk dəfə M.F.Axundzadənin “Sərgüzəşti-vəziri-xani-Lənkəran” tamaşası nümayiş etdirilib. Bu haqda iyunun 29-da Report məlumat yayıb.
Tamaşa Qala şəhərin Tut bağı adlanan ərazisində açıq havada təqdim olunub.
Qeyd edək ki, Şuşa Dövlət Musiqili Dram Teatrı 1949-cu ilin əvvəllərində fəaliyyətini dayandırıb.
Şuşa teatrı hazırda Bakıdakı “Savalan” kinoteatrının binasında fəaliyyət göstərir.
