Son zamanlar Azərbaycanda peşə təhsilində artım müşahidə olunur. Qəbul olmaq istəyənlərin sayında 30%, qəbul olanların sayında isə 12% artım var. Hazırda peşə təhsilində oxuyanların sayı 26 600 nəfərdir. Bunu dekabrın 8-də Azərbaycan Karyera İnkişaf Forumunda təhsil naziri Emin Əmrullayev bildirib.
Onun sözlərinə əsasən, artıq yüksək peşə ixtisasları da açılıb, kollec məzunları subbakalavr pilləsində ali məktəblərə qəbul ola bilirlər: “Qısa müddətli peşə hazırlığı və ya təlimlər də var. Bu kurslara 3-6 müddətində cəlb olunanların yarısı işlə təmin olunur”.
Ali təhsil məsələsinə gəldikdə isə nazir qeyd edib ki, 1990-cı illərin əvvəlində ali məktəblərə qəbul planı 15-16 min idisə, hazırda bu rəqəm 48 min civarındadır.
“Hazırda qəbul planı 48 mindir, ərizə verənlərin sayı isə təxminən 80-90 min olur. Hər il ali təhsil müəssisələrinə rekord sayda qəbul olur”, - deyə qurumun rəhbəri vurğulayıb.
