Azərbaycanda 5 rayonun qaz təchizatı dayandırılıb. Bu barədə “Azəriqaz” İstehsalat Birliyi məlumat yayıb.
Bu gün saat 08:00-dan “Qaz İxrac” İdarəsinə məxsus “Qaradağ-Xırdalan” magistral qaz kəmərinin 25,6-cı və 27,3-cü km-lər arası hissəsində yeni çəkilmiş qaz kəmərinin qaznəqli sisteminə birləşdirilməsi, saat 09:00-dan yeni çəkilmiş “Böyük Bəhmənli-Şuşa” yeraltı magistral qaz kəmərinin “Beyləqan-Horadiz” magistral qaz kəmərinə birləşdirilməsi, həmçinin “İvanovka” Qaz Paylayıcı Stansiyasında qızdırıcı sobanın giriş və çıxış xətləri üzərində quraşdırılmış qovşağın girişində kranların dəyişdirilməsi ilə əlaqədar “Xocəsən”, “Alatava”, “Sulu-Təpə”, “Horadiz” və “İvanovka” QPS-lərdən, “Fərəh MMC” və “Füzuli Diaqnostika” ölçü qovşaqlarından qaz təchizatında fasilə yaranıb.
Təmir işləri aparılan müddətdə Füzuli (şəhər daxil olmaqla), İsmayıllı, eləcə də paytaxtın Yasamal, Nəsimi, Binəqədi rayonlarının bir hissəsində qaz müvəqqəti kəsilib.
