Taxıl sahələrinin 49%-ində, o cümlədən arpa sahələrinin 75%-ində biçin başa çatıb. Bu barədə 30 iyun tarixində Kənd Təsərrüfatı Nazirliyi məlumat verib.
Məlumata əsasən, biçin prosesində 1503 kombayn iştirak edir. Bildirilib ki, hazırda əsas biçin prosesi buğda sahələrində aparılır. Respublikanın 6 rayonunda - Ağdam, Ağcabədi, Bərdə, Saatlı, Sabirabad və Samuxda buğdanın orta məhsuldarlığı 40-50 sentner təşkil edir.
Qeyd olunub ki, bu il fermerlər biçin başa çatmış sahələrdə yay şumu etməyə və təkrar qarğıdalı əkini aparmağa daha çox üstünlük verirlər.
[URIS id=56824]
