Tovuz çayı üzərində 290 metr uzunluğa malik körpü inşa edilir. Bu barədə dekabrın 9-da Azərbaycan Avtomobil Yolları Dövlət Agentliyi bildirib.
Körpünün uzunluğu 290,42 metr, çay məcrasından hərəkət hissəsinə qədər qabariti 36 metr, körpünün öz qabariti isə 14,4 metr təşkil edir. Körpü beş aşrımlı olacaq. Körpüdə iki hərəkət hissə, sağ və sol tərəfdə mühafizə zolağı və hər iki tərəfdə piyada yolunun olması nəzərdə tutulub.
Tovuz çay körpüsü ilə yanaşı layihə çərçivəsində 27 metrdən 290 metrə qədər uzunluqlara malik 41 körpünün (yol qovşağı, yol ötürücüsü, körpü) inşası davam etdirilir.
