Tovuz rayonunda qardaşlardan biri qətlə yetirilib, digəri isə yaralanıb. Cinayəti törədən şəxs saxlanılıb. Bu haqda dekabrın 8-də Report məlumat yayıb.
Hadisə rayonun İbrahimhacılı kəndində qeydə alınıb. Çay evini işlədən Ənvər və Fərman Alırzayev qardaşları mübahisə zamanı kənd sakini Maksim Mehdiyev tərəfindən bıçaqlanıblar. Ürək nahiyəsindən xəsarət alan Ə.Alırzayev dünyasını dəyişib. Digər zərərçəkmiş isə xəstəxanaya yerləşdirilib. Onun vəziyyəti ağır qiymətləndirilir.
Faktla bağlı araşdırmalara başlanılıb.
Azərbaycanda 2021-ci ilin birinci yarısında 15 minə yaxın cinayət hadisəsi baş verib. Onlardan qəsdən adam öldürmə və adam öldürməyə cəhdlərin sayı 109 təşkil edib.
